होशील दत्ता
*********
कुणासाठी होशी दत्ता तू रे देव स्वीकारशी भाव हृदयीचा ॥१
कुणासाठी होशी दत्ता तू रे बाळ
कृपाळ प्रेमळ लीलाधर ॥ २
कुणासाठी होशी तूच गुरुदेव
उपदेशी ठाव पदी देशी ॥३
कुणासाठी धावे रक्षक होऊन
विपत्ती हरून तारी कुणा ॥ ४
कुणासाठी सखा होशी सवंगडी
देई लाडीगोडी सुख सारे ॥ ५
माझ्यासाठी कधी होशील तू मी रे
हरवून सारे दृश्यभास ॥ ६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️
