धिंडोरा
******
तुझिया कीर्तीचा पिटतो धिंडोरा दत्त दिगंबरा पानोपानी ॥
पाहिल्यावाचून वर्णीतो रूपाला
गातसे कीर्तीला जागोजागी ॥
तुझिया कृपेचा देतो भरवसा
पल्लवीत आशा करूनिया ॥
भरल्यावाचून माझी रिती झोळी
करतो दिवाळी साजिरी मी ॥
मागे बहुतांची फळली रे भक्ती
तया दत्त प्रीती फळा आली ॥
त्याच कथा गोड जीवी ठसवितो
दास म्हणवतो आशेने मी ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
