जेव्हापासून कळले मजला कि जीवनाचे नाव मरणे आहे . डोक्यास बांधून कफ़न मी ,त्या मारेकऱ्यास शोधतो आहे. (अनुवादित)
रविवार, ३१ डिसेंबर, २०१७
गुरुवार, २८ डिसेंबर, २०१७
पुन्हा तो व ती !
पुन्हा तो व ती !
ती घट्ट डोळे मिटूनी
दृष्टी बाजू वळवूनी
बोले शब्द आठवूनी
तयास उगा टाळूनी
यत्न तिचे जाणून तो
चलबिचल पाहतो
जरी ह्रदयी ठेवीतो
परी काही न सांगतो
तिचा देह बांधलेला
जन्म कुठे वाहिलेला
मोह कसा मग मनी
प्रश्न असे पडलेला
खरे तर कुणालाही
उत्तर माहित नाही
असेल का हे कारण
नव्या जन्मासाठी काही ?
यात पण गैर नाही
मन काही वैरी नाही
प्रेमा येणे जन्मा असे
गोष्ट अघटित नाही
पण तिला ते पटेना
मनाचे मुळी कळेना
ठाम तिने मग पुन्हा
घट्ट बांधले
डोळ्यांना
किंचित हसला तो
ही
गेला पुढती
निघुनी
बघ भेटू या
फिरुनी
बोलुनी काहीसा मनी
डॉ.विक्रांत प्रभाकर तिकोणे
http://kavitesathikavita.blogspot.in
भीक
******
हे ही बंद
सदा सर्वदा
सदा सर्वदा
अन ते ही
बंद दार
बंद दार
भिकेस आले
तेच ते मग
तेच ते मग
काही शिळे
शब्द उधार
शब्द उधार
मनातील
याचनेस या
याचनेस या
का भूक लागे
अनिवार
अनिवार
आसक्तीच्या
पात्री होता
पात्री होता
काळाकुट्ट
फक्त अंधार
फक्त अंधार
घर फुटू दे
व्योम तुटू दे
व्योम तुटू दे
मातीचा हा
मर्त्य आधार
मर्त्य आधार
नको पापण्या
तीर उजेडी
तीर उजेडी
व्यर्थ मांडला
असे व्यापार
असे व्यापार
नकोच पण ते
असणे होणे
असणे होणे
भास आभासी
खुळा स्वार
खुळा स्वार
गड गड गड
धडाम धुडूम
धडाम धुडूम
होऊन विजेचा
तीक्ष्ण वार
तीक्ष्ण वार
मिटल्या वाचून
मिटू मिटू दे
मिटू मिटू दे
सुटून सारे
हिशोब गचाळ
हिशोब गचाळ
डॉ.विक्रांत प्रभाकर तिकोणे
Http://kavitesathikavita.blogspot.in बुधवार, २७ डिसेंबर, २०१७
शोधण्याचा क्षोभ
॥ शोधण्याचा क्षोभ ॥
थकलेला देह आता
मिटावासा वाटतो रे
नाहीपणात मी पुन्हा
हरावासा वाटतो रे ॥
कशासाठी जगायचे
कुणासाठी जगायचे
घनदाट एकांत हा
सरावासा वाटतो रे ॥
पाहूनी वाट बहुत
दिन उजाडत नाही
तमात या जीव आता
विरावासा वाटतो रे ॥
तसा तर काळ काही
आहे म्हणतात लोक
क्षुब्ध आकांत सुखाचा
हटावासा वाटतो रे ॥
वेदनांचा देह जीर्ण
बंदिवान मन आत
निरर्थक प्रवास हा
थांबावासा वाटतो रे ॥
असो नसो पुढे काही
थकलो शोधून तेही
शोधण्याचा क्षोभ सारा
बुडावासा वाटतो रे ॥
डॉ.विक्रांत प्रभाकर तिकोणे
सोमवार, २५ डिसेंबर, २०१७
ग्रंथ ज्ञान
पाहिले अपार
ग्रंथांचे प्रकार
ज्ञानाचा विस्तार
अवाढव्य ॥
पाहू जाता मीती
कळेना ती किती
बुद्धीचिया माथी
भार फक्त ॥
शब्दांचा पसारा
मनात मावेना
विक्रांत दिसेना
अनुभव ॥
कुठून ते आले
अन् कुठे गेले
बरडी वाहिले
जैसे जळ ॥
दत्त ज्ञानदेवा
करा हो उपाय
भरा हे ह्रदय
आत्मज्ञानी ॥
डॉ.विक्रांत प्रभाकर तिकोणे
शुक्रवार, २२ डिसेंबर, २०१७
उगाच जातेस
उगाच जातेस हासून तू
सारेच निर्धार मोडून तू
मी ओढलेला अंधार माझा
जाते क्षणात हरवून तू ॥
रव निसटल्या पाकळयांचे
शब्द सहज विखरून तू
अन वज्र माझे निग्रहाचे
क्षणी पाणी पाणी करून तू ॥
येऊ नकोस म्हटले तरी
जातेस प्रतीक्षा होऊन तू
तुझा स्मृतींची होतो पालखी
नेतेस मजला वाहून तू ॥
वेडी ठेवली बांधून स्वप्ने
जातेस हळू उघडून तू
माझ्या साऱ्या पसाऱ्यास या
जातेस पुन्हा चिडवून तू ॥
डॉ.विक्रांत प्रभाकर तिकोणे
http://kavitesathikavita.blogspot.inबुधवार, २० डिसेंबर, २०१७
माझे महाराज
॥ माझे महाराज ॥
लखलखता तारा
माझे महाराज
चकाकता हिरा
माझे महाराज
नामाचा अवतार
माझे महाराज
ज्ञानाचा आधार
माझे महाराज
प्रेमाचा बाजार
माझे महाराज
योगियाचा संसार
माझे महाराज
महाराज आठवे
हृदय भरते
घ्यावेसे वाटते
नाम सदा ते
नाम कल्पतरू
विक्रांता भेटला
संदेह मनीचा
अवघा मिटला
डॉ.विक्रांत प्रभाकर तिकोणे
http://kavitesathikavita.blogspot.inरविवार, १७ डिसेंबर, २०१७
खेळ
खेळ
हवे पणाची
ओढ विलक्षण
कळल्यावाचून
प्राण व्याकूळ ||
कधी सुखाची
गूढ हुरहूर
अथवा काहूर
दु:खाचेही ||
ये अंधारून
नको असून
किती पराधीन
जगणे हे ||
म्हणते कुणी
नकोच थांबूस
हरवून जावूस
घोर तमी ||
परी धावणे
घडते पडणे
जन्म शोधणे
रानोमाळ ||
कसला खेळ
खेळे दिगंबर
जळते अंतर
रात्रंदिन ||
डॉ.विक्रांत
प्रभाकर तिकोणे
शनिवार, १६ डिसेंबर, २०१७
गाडा
गाडा
जगायची सक्ती
नाही
तरी जगेन म्हणतो मी
असेच मरता येत
नाही
अन्यथा मेलो असतो
मी
तसा पोटास लागलो
आहे
अन सुखाने जगतो
मी
दोन तपे होतो जसा
की
तसाच अजून दिसतो
मी
हे सालं लचांड जगण्याचे
कधी पासून शोधतो
मी
नाहीतर हे फेकून सारे
कधीच गेलो असतो
मी
बायको पोरे धन
मान
चारजना गत राहतो मी
रोज घाबरत उठतो
अन
रोज घाबरत निजतो
मी
हसणे खेळणे गाणे
वगैरे
तसा रोज म्हणतो
मी
अन डोळ्यात अंधार
पेरून
मलाच रोज शोधतो
मी
मातीचाच हेका
माझा
मटका असून धरतो
मी
साठलेल्या
पाण्यात अन
हळू हळू विरघळतो
मी
तसे तर लाखो
विक्रांत
डोळ्या समोर
पाहतो मी
तुटणाऱ्या जंगलास
या
गाडा होवून वाहतो
मी
डॉ.विक्रांत
प्रभाकर तिकोणे
याची सदस्यता घ्या:
पोस्ट (Atom)
दत्ता येई रे
दत्ता येई रे ******** दत्ता येई रे भक्ती देई रे मज नेई रे तुझ्या गावा ॥१ धन नको रे मान नको रे शान नको रे जगतात ॥२ तुला पहावे ह...

-
दत्ता येई रे ******** दत्ता येई रे भक्ती देई रे मज नेई रे तुझ्या गावा ॥१ धन नको रे मान नको रे शान नको रे जगतात ॥२ तुला पहावे ह...
-
आनंद ****** ती तुझी पौर्णिमा पाहिली मी देवा कोंदाटून नभ दाटलेली जीवा तुझ्या प्रकाशाचा इवलासा कण झेलून निशब्द जाहले हे मन ...
-
(फोटो.डॉ.मंगेश प्रभुळकर ) सुखाचा सागर ************ सुखाचा सागर लोटे धारेवर विठूचा गजर कणोकणी ॥१॥ वैष्णवांचे जग पुण्यांची पताका ...
-
तुझे आकाश ***** जेव्हा तुझे आकाश भरून गेले मेघांनी अन पानापानातून आली ओघळून गाणी मी माझा नुरलो तेव्हा गेलो पाऊस होऊनी कुठे...
-
बळे तर बळे *********** बळे तर बळे नाम मुखी आले पाऊल वळले दत्ता कडे ॥१ खुळे तर खुळे मन हे धावले पायरी चढले गिरनारी ॥२ उगे ...
-
जगणे ****** जगण्याहून सुंदर जगात खरंच काही नसते कुणी नशेत कोणी गंगेत स्वतःला धन्य मानते साधन असो काही जरी सुख शोधणे भोगणे या...
-
झेंडा ********* तुम्ही तुमचा झेंडा लादू नये माझ्यावर केवळ यासाठीच मी उभा राहतो माझा झेंडा घेऊन माझ्या खांद्यावर अन्यथा मी ...
-
विपर्यास्त ********* जेव्हा मी पाहतो विपर्यास्त झालेले सत्य विझलेल्या सूर्याचा कृष्णविवरात झालेला अटळ अस्त अनंत ऊर्जांची फेकल...
-
उर्मी ***** प्राजक्ताच्या फुलागत आलीस तू अलगद या माझ्या जीवनात सुगंधाचे वादळ होत मोहरली माती इथली कणकण गेला शहारत दान क्षण...
-
खुणा प्रत्ययाच्या ************* काय तुज मागु खुणा प्रत्ययाच्या जर लायकीच्या गोष्टी नाही ॥१ तरी दत्ता आता कर ऐसे काही मज जा...