कवितेसाठी कविता: स्वामी शरण

शनिवार, १८ मे, २०२४

********

आपल्या भक्ताशी सदा सांभाळीशी

हृदयी वसशी स्वामी राया ॥१

ऐहिक कौतुके किती एक देसी

सुखात ठेवीसी सर्वकाळ ॥२

दुःख निवारिशि दैन्य हरविसी

व्याधी दडविशी कृपा कर ॥३

अशुभ शक्तीला ताब्यात ठेवीशी

अन वळविसी शुद्धपथी ॥४

प्रारब्धाची गती जरी भोगविशी

बाहेर काढीशी सांभाळून ॥५

राहो जीवनाची दोरी तुझ्या हाती

मागणे विक्रांती अन्य नाही ॥ .६

🌾🌾🌾

https://kavitesathikavita.blogspot.com .

☘☘☘☘ 🕉️