योगीनाथ
********
भेटीविना तुझ्या पाऊल न पडे योगीयांचे गाडे अडलेले ॥
मज ना कळते तुझे ठरवणे
कुणा काय देणे कशासाठी ॥
अजात पाखरू तोंड उघडले
घरटी बसले व्याकुळसे ॥
तैसे माझे मन यावे तू म्हणून
डोळ्यात आणून प्राण पाही ॥
कुठल्या कुहुरी कुठल्या शिखरी
असे तव स्वारी योगीनाथा ॥
येई क्षणभरी कृपा दान करी
मुद्रा मनावरी उमटवया॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com .
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा