शनिवार, ३१ ऑगस्ट, २०१९

डॉ.म्होप्रेकर मॅडम



डॉ.म्होप्रेकर मॅडम

असंख्य रूपे तुमची
इथे नित्य मी पाहिली
असंख्यात व्यक्ती एक
आहात खूप वेगळी

शीतल शांत मंदसे
जणू चांदणे कोवळे
बरसून  सुखावून
सदा इतरास  गेले

प्रसन्न छान समृद्ध
नंदनवन फुलले
प्रियजनांसाठी जणू
उदार मेघ दाटले

उष:काली  पसरले
सूर्यकिरण कोवळे
नसे डाग किंतु कधी
देहावरी जे ल्याईले

कुणा जरी कधी जरी
हे गहन वन वाटले
मूढ तयापासूनिया
सु ख सदा अंतरले

माता सदा तू दयाळू
असे शिघ्र कनवाळू
कर्तव्यनिष्ठ पत्नी नि
लेक सून ती स्नेहाळू

जनसेवेसाठी मनी
आस सदा असे मोठी
रुग्णसेवा हीच पुजा
असे कर्तव्य आरती

गमते कर्तव्य निष्ठा
जरी कधी ती कठोर
आईचेच प्रेम त्यात
सदा निर्मळ अंतर

किती आतताई लोका
क्षमा तुम्ही ती केलीत
कित्येकांचे अपराध
पोटी अन् घातलेत

जगण्यातला आनंद
केला सदैव साजरा
प्रियजन सवे जणू
जन्म केलात सोहळा

ज्यांची स्मृती जनास या
होते सदा सुखदायी
विरळच असतात
अशी जगी लोक काही

त्या तया भाग्यवंतात
आहात तुम्ही पुढारी
म्हणून मागे प्रभुस
सौख्य तुम्हा मिळो सारी

विक्रांत तुमचा असे
सदा सुखी अनुचर
म्हणे धन्यवाद मॅम
सांभाळले आजवर

+

© डॉ..विक्रांत प्रभाकर तिकोणे
http://kavitesathikavita.blogspot.in

दत्त ध्याईला





दत्त गाईला रे 
मी 
दत्त ध्याईला 

स्वप्नी पाहिला रे 
मी
मनी वाहिला 

स्मित मनोहारी 
जो 
ओठी ल्यायला 

रूप अद्भुत 
की 
रुपी ओतला

मन तृप्त झाले 
तै 
दत्त भिनला

माय बाप माझा 
रे
मज पूर्ण दिसला 

सारे दत्त होत 
हा 
विक्रांत नूरला


शब्द स्पर्श गंधी
या   
असे दत्त ओतला      


© डॉ..विक्रांत प्रभाकर तिकोणे
http://kavitesathikavita.blogspot.in






गुरुवार, २९ ऑगस्ट, २०१९

भक्ति थोडी




भक्ति थोडी
*********

दिगंबरी मन
सदा राहो माझे
दत्त नाम वाचे
यावे नित्य
 .
असो जगण्यात
खरे खोटे काही
दोष कोणाचेही
दिसू नये
 .
नको वैरभाव
घेण्या देण्यावरी  
आणिक अंतरी
द्वेषबुद्धी
 .
सज्जनांचा संग
लाभो मज नित्य
जेणे सदा चित्त
शुद्ध होय
 .
सरो मलिनता
आली व्यवहारी
दत्त नरहरी
कृपा करी
 .
तुज विनवणी
लागूनिया पदा
देई या विक्रांता
भक्ति थोडी
.
© डॉ..विक्रांत प्रभाकर तिकोणे
http://kavitesathikavita.blogspot.in


बुधवार, २८ ऑगस्ट, २०१९

गोष्ट जगण्याची




गोष्ट जगण्याची

************



सरो माझा देह

पडो आता खाली

उगाच वाहिली

खोळ खुळी



जर तुझे येणे

घडणार नाही

कशाला मी वाही

नगरी ही



छान सजवली

गुणे वाढविली

यत्ने सांभाळली

सतकर्मी



कधी काही जरी

तुटले फुटले

वागणे चुकले

काळ गुणे



विसर न केला

पथ न सोडला

जन्म हा वाहीला

तुजसाठी



विक्रांत शपथ

वाहतोय तुझी

गोष्ट जगण्याची

तूच माझी 

.



© डॉ..विक्रांत प्रभाकर तिकोणे
http://kavitesathikavita.blogspot.in


सोमवार, २६ ऑगस्ट, २०१९

दत्त सावळा




दत्त सावळा  

********





दत्त सावळा सावळा

गौर कर्पूरी सजला

दत्त कैलाशी वैकुंठी

शैव वैष्णवी भरला



भेद भावाच्या सहित

देतो दिगंबरा मिठी

रूप रूपातीत तुझे

मज दिसू दे रे दिठी  



म्हणे एकांगी विक्रांत

गीत खेळात पडला

दत्ता चित्तात ठेवूनि

आत्म खेळात रंगला



© डॉ..विक्रांत प्रभाकर तिकोणे
http://kavitesathikavita.blogspot.in

रविवार, २५ ऑगस्ट, २०१९

काफीरकी




काफीरकी

********

                     

कासया मी जाउ 
आता कुण्या दारी 
भार तुजवरी 
दत्तात्रया


होवो माझे भले 
होवो नच जरी 
जातो ना माघारी 
येथूनिया


तुझ्या दारी नाही 
असे जगी काही 
दिसत ते नाही 
मज दत्ता


जरी का उपाशी 
राहिलो मी इथे 
मिळणार कुठे 
काही नाही


सरली ही कथा 
माझ्या यातनांची 
आता कृपा तुझी 
खरी ठरो


अन्यथा होईल 
जगात नाचक्की 
व्यर्थ काफीरकी 
केली ऐसी


विक्रांत दारात 
तुझिया कुतरे 
तुकड्या लाचारे
दीन उभे
.                         

© डॉ..विक्रांत प्रभाकर तिकोणे
http://kavitesathikavita.blogspot.in


शनिवार, २४ ऑगस्ट, २०१९

ओठावरी गाणे होते




ओठावरी 
गाणे होते
गाण्यामध्ये
शब्द ओले

ओळीमध्ये

शब्द खुळे
अर्थ खोल
काही रूळे

प्राण होते 

भारलेले
देहावरी 
उमलले

स्पर्श तुझे 

हळूवार
किरणांनी
माळलेले

फुल गाली 

उमलले
मीन डोळे
काजळले

नेत्र निल 

हरवले 
शुभ्रकांती 
विसावले 

आभाळ ही

निळे निळे
माझ्यामध्ये
आकारले

जगण्याचा 

भाषा ल्याले 
क्षण होते
सजलेले

काय एथ

मी असे वा 
परकाया 
कुणी आले

हरवला 

आकार हा 
आधारही 
नवे आले 

तिच वाट 

तिच गाठ 
देही दीप 
पाजळले



डॉ.विक्रांत प्रभाकर तिकोणे

http://kavitesathikavita.blogspot.in‍

शुक्रवार, २३ ऑगस्ट, २०१९

कृष्ण आला दारी



कृष्ण आला
*********

पहाटेच्या पारी
कृष्ण आला दारी
सखा आला घरी
केली त्यानी चोरी ॥

निजलेले होते
स्वप्न सजलेले
चोरीयले भान
ध्यानी भरियले॥

घरदार नेले
नेली पोर बाळी
नवरा नणंद
नेली एक सरी ॥

लुटले गं बाई
आले रस्त्यावर
सावळ्या भ्रमात
झाले वेडी पार ॥

एकुलीच आता
एकुल्या मनात
एकुलिये जग
एकुल्या पणात ॥

गवळण मनी
काठोकाठ कृष्ण
विक्रांत भरून
सुखावला


.

डॉ.विक्रांत प्रभाकर तिकोणे

http://kavitesathikavita.blogspot.in‍

गुरुवार, २२ ऑगस्ट, २०१९

नापास हे घोडे


 नापास हे घोडे
*************
जर तुला वाटे
नापास हे घोडे
मोजुनियां कोडे
देई दत्ता ॥

प्रियकर हाती
घडावे शासन
करीन प्राशन
विष तेही ॥

तेणे गुणे काही
पडे तुझी गाठ
ऐसी मज भेट
कृपा करी ॥

करी रे दानव
कंस वा रावण
हाताने मरण
देई मज ॥

देई रे पशुत्व
देई रे दास्यत्व
दिसु दे देवत्व
तुझे मज ॥

मग हा विक्रांत
जन्म जन्मांतरी
राही पदावरी
तुझ्या दत्ता
००

बुधवार, २१ ऑगस्ट, २०१९

पिंजरा





पिंजरा
*****

संसार पिंजरी
कोंडीयले  मला
देऊन खायाला 
गोड फळे 

सुख सौख्य देहा
दिला मानपान
व्यर्थ अभिमान
वाढविला

सुटूनिया चिंता
आजची उद्याची
गोळीच निजेची
दिधलीस

सुटले भाविक
जीवलग संघ
भोगाचे अभंग
पाठ झाले 

विक्रांत सुटावा
यया कारेतून 
देही पांघरून
प्रेम तुझे

बाप गिरनारी
दत्तात्रेय माझा
तोड दरवाजा
आसक्तीचा

डॉ.विक्रांत प्रभाकर तिकोणे
http://kavitesathikavita.blogspot.in‍

००

मंगळवार, २० ऑगस्ट, २०१९

इथे मरण साजिरे



मोह मधुर मदिर
कुण्या डोळ्यात शिरला
जीव बुडाला हरला
शब्द सुगंधीत झाला

आले सावज हातात
रानी आरोळ्या उठल्या
दाट हिरव्या झाडीत
कुणी जिभल्या चाटल्या

कोण मरून जगले
काय ठाव या जगाला
देशोधडीला लागून
कुणी भेटले कुणाला

डोह डोळ्यांचा गहिरा
कुण्या जीवास कळतो
जन्म सांडून पतंग
कैसा आगीला भिडतो

जा रे  जा रे  वाटसरा
इथे नकोच रेंगाळू
इथे मरण साजिरे
कोणा क्वचित ये कळू

डॉ.विक्रांत प्रभाकर तिकोणे
http://kavitesathikavita.blogspot.in‍


सोमवार, १९ ऑगस्ट, २०१९

गिरनार वादळ





गिरनार वादळ
***********
वारा  बेभान डोंगरी
येई खोल दरीतून
 देह थरारे हिवाने
जातो वाटतो उडून

वस्त्र फडाडे तनुचे
जैसा ध्वज की स्तंभाला
कुणी लोटतो धरतो
वाटे जणू पावुलाला

आत वादळ भक्तीचे
घोष दत्ताचा चालला
येई डोळ्यातून सरि
मनी आकांत वाढला

आता बाहेरी हा असा
धुंद गोंधळ माजला
वाट गिरणारी ओली
खेळ धुक्यात चालला

बाप दत्तात्रेय माझा
वाट पाहतो शिखरी
झालो अधीर वाहण्या
वेडे शिर पायांवरी

म्हणे विक्रांत वादळा
नको करूस गमजा
पंचभूतांचा तो स्वामी
आहे गिरनारी माझा
.
डॉ.विक्रांत प्रभाकर तिकोणे
http://kavitesathikavita.blogspot.in‍


 

रविवार, १८ ऑगस्ट, २०१९

दत्त स्मरणी




दत्त स्मरणी 
********

कुणाच्या स्मरणी 
मनाची मासोळी 
अशी तळमळी
पाण्याविना 

कुणाच्या प्रेमानी 
मनाचा मयुर 
पिसारा सुंदर  
फुलवितो  

कुणाच्या नावाने 
मनाचा हा रावा 
म्हणतो ये देवा 
भेटावया 

कुठल्या गाण्यांत 
मनाची कोकीळ 
स्वरांनी आभाळ 
भरतसे 

तूच तो एकच 
बाप गिरणारी
बैसला शिखरी 
रैवतकाच्या 

विक्रांत सादर 
तया पदावर 
म्हणे कृपा कर 
दत्तात्रेया

.
डॉ.विक्रांत प्रभाकर तिकोणे
http://kavitesathikavita.blogspot.in‍

या शहरात



शहरात या 
***********
कधीचा मी 
शहरात या 
तरीही 
शहर हे 
माझे नाही 

जरी हे चेहरे 
ओळखीचे सारे 
तरी का इथे 
डोळ्यात पहारे 

माहित खड्डे   
तोंडपाठ वळणे 
ठरवून घडेना  
परि ते थांबणे 

देती कुणी त्या 
तीरी इशारे 
ओलांडण्या
पथ परी 
येती शहारे 

तू आहेस तिथे 
मजला 
हे ठाव जरी 
बुडतोच दिन   
रोजच्या अंधारी


डॉ.  विक्रांत प्रभाकर तिकोणे 
https://kavitesathikavita.blogspot.com

००



श्री जगन्नाथ कुंटे ऊर्फ अवधूतानंद यांना श्रद्धांजली

श्री जगन्नाथ कुंटे ऊर्फ अवधूतानंद यांना श्रद्धांजली   ******* पाहियले स्वामी अवधूतानंद शक्तिचा तरंग  उत्स्फुलित ॥१॥ पुत्र नर्मदे...