मन आवरेना

मन आवरेना

**********

विचाराचे मन मनची विचार

सातत्य आधार मागतसे ॥१

गुंतवते मन हरेक वस्तूत 

सुखात दु:खात सदोदित ॥२

मन पाहू जाता हाती न लागते 

गुंडाळून घेते पाहणाऱ्या ॥३

मनापलीकडे सत्य दडलेले 

शब्दी कळू आले तरी काय ॥४

मनाची पकड मुळी न सुटते 

चक्र हे फिरते गतिमान ॥५

मन रामनामी संत समागमी

स्वरूपाचे धामी रमेचिना ॥६

मनाला रंजन हाच एक ध्यास 

विवेकाची कास धरवेना ॥७

बापा अवधुता मन आवरेना 

संसार सुटेना म्हणून हा ॥८

तुझाची आधार मजला केवळ 

धरून सरळ नेई पदा ॥९

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️