कवितेसाठी कविता: दर्शन हेळा मात्रे

बुधवार, ९ जुलै, २०२५

************

पायावरी माथा होता

माथेकरी कुठे होता

क्षण काळ हरवला

क्षण सर्वव्यापी होता ॥

युगे युगे म्हणतात

हरवले ते क्षणात

ओळख की अनोळख

विचारता कुठे होता ॥

मनपण हरवले

देहाचेही भान गेले

जणू शून्य साठवले

जरी पाठी धक्का होता ॥

सावळीच मूर्ती परी

कोंदाटली आभा होती

कुणा ठाव काय इथे

स्पर्श परिसाचा होता ॥

काही देही कोसळले

काही चित्ती उमटले

एक मिती उघडून

कुणी तो हसत होता ॥

🌾🌾🌾

https://kavitesathikavita.blogspot.com

☘☘☘☘ 🕉️ .

कवितेसाठी कविता