धिंडोरा

धिंडोरा

******

तुझिया कीर्तीचा पिटतो धिंडोरा   

दत्त दिगंबरा पानोपानी ॥

पाहिल्यावाचून  वर्णीतो रूपाला

गातसे कीर्तीला जागोजागी ॥

तुझिया कृपेचा देतो भरवसा 

पल्लवीत आशा करूनिया ॥

भरल्यावाचून माझी रिती झोळी 

करतो दिवाळी साजिरी मी ॥

मागे बहुतांची फळली रे भक्ती 

तया दत्त प्रीती फळा आली ॥

त्याच कथा गोड जीवी ठसवितो 

दास म्हणवतो आशेने मी ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

उपाधी

उपाधी

*****"

जडू नये कधी  ज्ञानाची उपाधी 

अभिमान नदी बुडू नये

भार पुस्तकांचा घेवू नये माथा

तेच शब्द वृथा बोलणारा 

आत्म विस्मरण हेचि रे अज्ञान 

गाठी एक शून्य बांधलेले

जरी व्हावे वाटे काकडा पेटता

पथ हा धुंडता अंधारात 

परि ते कौतुक जातसे जळून

वाटाडया वाचून आडरानी

करी सोडवण तुझी तू यातून .

आपल्या आपण समजून

उगा नको शोधू व्यर्थ रानोमाळ 

गळ्यातील माळ विसरून

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

विनायकास मागणे

मागणे

*******

गुणाकार मन माझे गणाकार व्हावे आता 

अहंकार भंग करी देवा तुच एकदंता ॥

देह बुद्धी नको आता मागणे हे वक्रतुंडा 

संत संग देई सदा सांगणे हे शिवसुता॥

काम क्रोध वारुनिया शुद्ध करा भालचंद्रा 

मोह लोभ मत्सरादी गिळून घ्या लंबोदरा ॥

प्रीत तुझी लाभू दे रे सदोदित गजवक्रा 

तारी मज संकटात तू सदा विघ्न राजेंद्रा ॥

कालभय नको आता वारी वारी गजानना 

पाप ताप भय चिंता दूर करी धूम्रवर्णा ॥

सर्व काळी सर्व ठाई विघ्नहर्ता तुच देवा

भयास भय दाखवी रुप तुझे विकटमेवा ॥

चिंतामणी नाव तुझे सार्थ असे गणपती 

मागतो मी ज्ञान भक्ती विनायका तुजप्रती ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

पान फाडतांना

पान फाडतांना

*********†*

मन  शोधू नको माझे

तू शब्दात सांडलेले 

अन सांगू नको पुन्हा

जोडाक्षर चुकलेले

होतेच वादळ वेडे 

क्षण एक धरा आले 

विखरून खेळ सारे 

शुन्यी हरवून गेले

आकाश निरभ्र आता 

हि वाळू तीरावरली 

पुसल्या पाऊल खुणा 

ज्या पुसणे होते भाळी

गणणेला अर्थ नाही

मौनाने वाढते अंतर 

विस्मृतीत सुखदायी

चालते जीवन सुंदर 

घे खोल उरी श्वास

तू पान उलटतांना 

दिसणार नाही कुणा

तू पान फाडतांना

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

स्वामी स्वरूपानंद

स्वामी स्वरूपानंद

**************

अगा स्वामीराया पावसच्या देवा 

जीवाचिया जीवा प्रियोत्तमा ॥१

ऐकता तुमच्या गोड आठवणी 

जातसे भरुनी मन प्रेमे ॥२

तुमची ती मूर्ती ठाकुनिया चित्ती 

होत असे वृत्ती भावमय ॥३

होते पण दुःख आजच्या जन्माचे 

ज्या रूप दर्शनाचे भाग्य नाही ॥४

विश्वाकार तुमच्या पायी ठेवी माथा 

स्वीकारा विक्रांता शरण या ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

श्रीदत्त

श्री दत्त

******

सारे व्यापूनी जगत 

व्यक्त अव्यक्त रूपात

विश्व पालक श्रीदत्त ॥१

शून्य होऊन निर्वात

गिळे सारे आसमंत 

शिव संहारक श्रीदत्त ॥२

चंद्र सुर्य प्रकाशात

खेळ खेळतो अद्भूत

ऐसा लीलाधर श्रीदत्त ॥३

नच कळता कळत 

ठसा उमटे चित्तात 

ऐसा अगम्य श्रीदत्त ॥४

जरी रुप नामातित 

परी पाहता मनात 

दिसे भक्तास श्रीदत्त ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

गणपती बाप्पा

गणपती बाप्पा 

***********

सगुणी राहू दे मज गुंतलेला 

पदी बांधलेला विनायका 

गजवक्रा तुझे रुप मनोहर 

दिसे लंबोदर  बहू गोड

घेऊ दे सदैव डोळ्यात भरून 

हृदयी ठेवून दयाघना

नामरूप तुझे विघ्नी आठवतो

तरूनिया जातो आपोआप 

घरोघरी जातो आरती रमतो

तुझे गीत गातो आनंदाने 

सदा घडो तुझे दर्शन भजन

नामाचे स्मरण गजानना 

एवढीच कर दया गणनाथा

आपुला विक्रांता म्हण बाप्पा 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

पुन्हा पाऊस

पुन्हा पाऊस

**********

रात्रंदिन पडणाऱ्या धारात 

आभाळ येते दाटून घुमसून

अन सांजवेळ जाते निसटून 

पडद्यामधली पडद्यामागून 

रंग कुठे उधळत नाहीत 

पक्षी आवाज करत नाहीत 

काळोखच येतो जणू 

चादरीवर चादर ओढत 

तोच आवाज रिप रिपणारा

पानावर टपटपणारा

पागोळ्या अवतीभोवती 

रव आत जणू घुसणारा 

होते सकाळ तशीच दुपार 

अन् उदास संध्याकाळ

ओल तनाला ओल मनाला

ओला वारा करतो वावर 

काळ दुमडतो उगा ढगात 

केविलवाणा घड्याळ पाहत 

जीवनाची नाव चालते 

संथ हलके हलके वाहत

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

दत्त पहावा

दत्त 

****

दत्त भजावा मनात दत्त पहावा जनात 

दत्त धरावा उरात 

सर्वकाळ 

दत्त जाणावा सुरात दत्त ऐकावा स्वरात 

दत्त वाचावा पदात  

अनुपम्य 

दत्त पूजावा मूर्तीत दत्त भजावा कीर्तित 

दत्त स्मरावा प्रीतीत 

सदोदित 

दत्त प्रेमाचा पुतळा दत्त लावण्याची कळा 

दत्त शांतीचाच मळा 

मुमुक्षास

दत्त गातागाता मन गेले प्रेमाने भरून 

दत्त कविता होवून 

आले असे 

दत्त मायबाप माझे दत्तकृपा छत्र माझे

दत्त जीवीचे प्रीतीचे 

आत्मभान 

ऐसे जाणूनिया दत्त झाला उगा हा विक्रांत 

बसे एकटक दत्त  

न्याहाळत 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

बैल .

बैल.

****

कुठे जातात ते गोऱ्हे आणि बैल 

कालवाडी सोबत जन्मा आलेले

गाई सोबत वाढलेले .

कधी खच्ची केलेले 

कधी मोकाट सोडलेले

आम्हाला दिसतात 

हजारो गाईंनी भरलेले गोठे 

ज्या देत असतात दूध 

कित्येक लीटर 

oxytocin इंजेक्शन घेत 

पण ती शेतात राबणारे 

लाकडी गाड्या ओढणारे 

बैल कुठे दिसत नाहीत .

सिलेक्टिव्ह गाईचे प्रजनन करणारे

संशोधन येथे झाले आहे का इथे?

किंवा ते जन्माला आलेले गोऱ्हे 

पाठवले जातात मृत्यूच्या गावात

जन्माला येतात त्वरीत

किंवा दुर्लक्षित करून 

उपाशी मारून 

कुपोषित करून .

आणि आम्ही गोपालाचे स्मरण करत .

आनंदाने सेवन करतो

गोकुळ कृष्णा नंद इत्यादी 

नावाने सजवलेल्या पिशव्यातील दुध 

त्या गायीच्या रक्ताचा शेवटचा थेंब 

दुधात परिवर्तन होईस्तोवर

काढलेले ते दूध

ते दुध.

त्या संपलेल्या गोऱ्हाच्या वाटणीचे .

आता गावोगावी दिसतात 

ते धूर ओकणारे गरगर फिरणारे ट्रॅक्टर 

जे क्षणात नांगरून देतात शेत 

आणि सुटा करून देतात 

मातीचा कण आणि कण

आणि ओढून नेतात

शेकडो किलोचे ओझे विनासायास .

त्यामुळे

हजारो वर्ष तुम्हा आम्हाला पोसणारे 

ते बैलं आता केवळ उरणार आहेत 

गाईला जन्म देणाऱ्या बीजाची बँक 

तुमची आमची दुधाची तृष्णा संपत नाही तोवर.

आणि उद्या काही कारणाने 

माणसातील नराची गरज अशीच संपली तर?

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

जगण्याच्या वाटा

जगण्याच्या वाटा 

*************

जगण्याच्या माझ्या वाटा 

दत्ता याव्या तुझ्या पथा 

वाहिलेला भार आता 

उतरावा तुझे हाता 

काय काय पोतडीत 

आलो मी रे साठवित

ज्ञान अहंकार मोठा 

देह जन्म वर्ण ताठा

मोडूनिया पाठ गेली 

पाऊले ही भार झाली 

तुझ्याकडे ती येणारी  

चाल आता मंद झाली

आता नको मोकलूस 

दूर दूर ढकलुस 

देई आता दृढ भाव

दावी चैतन्याचा गाव

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

कृपेची घागर

कृपेची घागर

***

कृपेची घागर ओत डोक्यावर 

जावा मनोमळ वाहूनिया  ॥१

घेई रे कृपाळा तुझा तू करून 

शुचित्व देऊन दगडा या  ॥२

जगत हे व्यर्थ मनी समजलो

तव पदी आलो दत्तात्रेया ॥ ३

चुकला विचार बाटला आचार 

करी रे स्वीकार प्रक्षाळून ॥  ४

माय तू स्नेहाळ प्रेमाची केवळ 

चुकल्या सांभाळ लेकरा या ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

बंध

बंध

***

मी नच कुणाचा जरी जाणतो रे 

तरी वाहतो रे बंध उरी    ॥

मित्र सखे प्रिय जपे नाती गोती 

जमे सभोवती गर्दी बहु ॥

वाहतो कर्मात उणा व्यवहारी 

जाणे पाने सारी शिशिराची ॥

कुणा उगा सोडू कुणा बळे धरू 

कुणा प्रीती करू सारे तुची ॥

तूच दिले दत्ता सारे प्रियजन 

अन वैरावीण ठेवियले ॥

ठेवियले तैसा राहीन मी दत्ता 

सदोदित चित्ता  परी रहा 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

करुणा

करुणा

*******

 करुणा दत्ताची वचने प्रेमाची 

रत्ने शब्दांची मनी येती ॥

दत्तकृपेचा हा भरा ये सागर 

लाटा लाटा वर उसळती ॥

तोच लिहविता कर्ता करविता 

चालवे विक्रांता सर्वकाळ ॥

लिहिता लिहिता सुखाचा लहरी 

उठे मनावरी पुन्हा पुन्हा ॥

कधीतरी पण देवा शब्दाविण 

हृदयी येऊन भेटी द्या हो ॥

कळल्यावाचून मागतो मागणे 

तुज जे करणे तेच कर ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

सार्थ करी दत्ता

सार्थ करी दत्ता

************

विश्वाचे कारण तुच दयाघन 

आहे मी जाणून दत्तात्रेया 

परी तव कारणे केवळ जगणे

मीपण सरणे घडेचिना 

अशी माया ओढी मज जगजेठी 

अवघी तोकडी शक्ती पडे 

अगा अवघड संसार दुस्तर 

सांगे वारंवार  जगत हे

परी तुझी माया असे तुझी छाया 

तिला सारावया  कृपा तुझी

देवाच्या भक्तांची लाज देवालागी 

येऊनिया वेगी तारी आता

विक्रांत जीवनी वाहे अहेतूक 

येऊन कौतुक दावी देवा 

सार्थ करी दत्ता तुझे देवपण 

मजला देऊन आलिंगन

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

दत्त कारणे

दत्त कारणे

****

घडो हे जगणे श्री दत्त कारणे 

अन्य न मागणे काही माझे 

घडावे एकदा दत्ताला भेटणे 

मी पण मिटने तया पायी 

स्वामी तो जगाचा माझी या मनाचा 

घडावा तयाचा संग काही 

जळाव्या इतर कामना वासना 

जेणे जन्म पुन्हा घ्यावा लागे 

दत्त प्रेमासाठी पुन्हा जन्मा येणे 

भक्तीत रंगणे मान्य पण

येई झडकरी दत्ता अवधूता 

आसरा विक्रांता देई पदा 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

श्री वासुदेवानंद सरस्वती

प.प.श्री वासुदेवनंद सरस्वती महाराज

****************

आनंदकंदा श्री वासुदेवनंदा 

तोडी भावबंधा आमच्या तू

देई ज्ञान शक्ती देई भावभक्ती 

घालतो मी मिठी तव पदी 

देई गा सन्मती देई बा विरक्ती 

सदाचार नीती कळू दे रे

कळू दे आचार कळू दे विचार 

देई रे आधार मजलागी

घडली ना कधी सेवा आजवर 

भेटी कृपाकर परी तू गा 

तुझिया शब्दात भजले दत्ताला 

व्यक्तअव्यक्ताला कृपा तुझी

तुच दत्त रूप आता रे आम्हाला 

चालवा सांभाळा भक्ती पंथा

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️