*******
करी रे स्वीकार माझा मायबापा
आगा दयारूपा माझे म्हणा
नाही भोळी भक्ती नाही शक्ती मती
परी उपरती खरी असे
व्यर्थ माझे यत्न निरर्थ जीवन
घेई रे ओढून कृपाकरा
कळेना लायकी दत्ता माझी काय
दिसेनात पाय का रे तुझे
भाग्यविधाता तू लिही माझे माथा
ठेवण्यास पदा योग्य करी
माझ्या स्मरणात रहा सर्वकाळ
श्वास जपमाळ होऊनिया
विक्रांता पायीचा करी रज:कण
भक्तीचा देऊन स्पर्श तुझ्या
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
