कवितेसाठी कविता: स्वप्न

मंगळवार, ३ नोव्हेंबर, २०२६

******

तुझ्या पथावर राहावे पडून

जगणे सोडून उरलेले ॥

तुझिया नामाचा ऐकावा गजर

उघडावे दार अंतरीचे ॥

तूच एक चित्ती असावा भरला

संसार मिटला पूर्णपणे ॥

असंख्य स्वप्नात हे ही एक स्वप्न

येई उमलून कधी मनी ॥

पण जगण्याची बदलता कुस

विस्मृती जीवास पुन्हा वेढे ॥

सरता प्रहर पुन्हा नवे स्वप्न

घेतसे ओढून जीव इथे ॥

तुझिया शोधात देहात मनात

वाहतो जगात सर्वकाळ ॥

🌾🌾🌾

https://kavitesathikavita.blogspot.com

☘☘☘☘ 🕉️