**********
जन्म देवासाठी
जावो हा सगळा
भावभक्ती मळा
फुलो सदा ॥
देह देशासाठी
जावो हा सगळा
संसार वेगळा
उरो नये ॥
कर्म धर्मासाठी
घडो हे कृपाळा
स्वतेजे आगळा
उभा राहो॥
ज्ञानदेवी चित्त
सदा राहो साचे
वाणी हे दत्ताचे
गीत गावो
अवघी ही कर्तव्ये
घडावेत साफ
भ्रष्ट कधी पाप
भेटो नये
दुष्टांची संगत
पाप्यांची पंगत
पापी मिळकत
मिळो नये
देव देश धर्म
पवित्रेक कर्म
विक्रांतास मर्म
कळो यावे..
***
डॉक्टर विक्रांत प्रभाकर तिकोणे
https://kavitesathikavita.blogspot.com
****
कोणत्याही टिप्पण्‍या नाहीत:
टिप्पणी पोस्ट करा