रविवार, १० मे, २०२०

श्रीगुरु करुणा






श्रीगुरु करुणा 
*********

वाहते अपार 
श्रीगुरु करुणा 
उगा दीनवाना 
बसू नको 

उघड रे शिड 
होई तया स्वार 
मग भव पार 
जाशील तू 

गुरु नसे देह 
आकारी कोंडला 
मठी बसलेला 
दानासाठी

तयाच्या संकल्पी
जन्म-मृत्यू तुटे 
संसृतिचे काटे
जळू जाती

संपूर्ण तयाला 
जाइरे शरण 
करूनी नमन 
अनन्यत्वे

विक्रांता दिसते
कुठे ते चुकते
वृत्ती चरणाते
वळवली

 
©डॉ.विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...