शनिवार, २ मे, २०२०

गोरक्षाची वाणी






गोरक्षाची वाणी 
वसो माझे मनी 
कृपेची कहाणी 
जन्मा यावी 

हसता खेळता 
करो यावे ध्यान 
अवघे जीवन 
दत्त व्हावे 

गुरु भक्ती दिप
जळावा अंतरी 
अविद्या अंधारी 
मार्ग मिळो

सारी धडपड 
सारी खटपट 
देवाशी लगट
होण्या व्हावी 

ज्ञानाचा प्रकाश 
पडावा जीवनी 
चित्त निरंजनी 
लीन व्हावे 

आणि काय सांग
मागावे तुजला 
मायबाप तुला 
सारे ठावे

म्हणून विक्रांत 
होतो आता उगा 
असो नाथ जागा 
हृदयात..
*©डॉ.विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...