कबीर ३:रहना नहीं देस बिराना

विराणदेशी ना राहणे रे ||
हा संसार पुडी कागदी
पाण्यामध्ये विरघणे रे ||
हा संसार काट्यांची झाडी
रडून हरवून मरणे रे ||
हा संसार झाडे झुडपे
जळूनी आगीत जाणे रे ||
म्हणे कबीर साधू बंधू रे
सद्गुरू नामे वसणे रे ||

विक्रांत प्रभाकर
http://kavitesathikavita.blogspot.in/

कबीर २-- कौन ठगवा नगरिया लूटल हो

कुणी तरी ठग गाव लुटेल हो||

चंदन कोरून खाट बनवली

त्यावरी नवरी निजली हो ||  

उठ ग सखये सजवि मजला

प्रियकर माझा रुसेल हो||

येत यमराज पलंगी बसले

झरे डोळ्यातून अश्रू हो ||

चार जीवलग खाट उचलती

उठे चौ दिशातून धू धू हो

म्हणे कबीर ऐक साधु बंधू  

नाते जगताचे तुटेल हो ||

अनुवाद

विक्रांत प्रभाकर

http://kavitesathikavita.blogspot.in/

कबीर १ --अवधूता मी तर

अवधूता मी तर आहे युगायुगांचा योगी

आल्यागेल्या मिटल्या वाचून शब्द अनाहत भोगी  

सारे जगत सगेसोयरे सारे जगत हे जत्रा

सारे माझ्यात मी सर्वात तरीही केवळ एकटा

मी सिध्द समाधी मीच मौनी मी अन मी बोले

रूप स्वरूप अरुपी दावून मीच मजशी खेळे

म्हणे कबीर साधू बंधू रे ऐक नाही कुठली इच्छा

कुटीत माझ्या मीच डोले खेळे सहज स्वेच्छा

अनुवाद विक्रांत प्रभाकर