माकड
******
एक माकड फिरते गरगर वरती खाली या इमारतीवर
भला दांडगा तो हुप्या गब्बर
घुसतो घरात चुकवून नजर
डल्ला मारतो कधी फळावर
नेतो चोरून खाऊ बरोबर
लाल पिंकट मुख रे त्याचे
भाव तयावर सदा भुकेचे
जवळ जाताच भय दाखवतो
भुवया ताणून दात विचकतो
म्हणती बाबा आला हनुमान
गेला त्याचा तो नैवेद्य घेऊन
म्हणते बायको अति वैतागून
तो गेला वेडपट रोपे उपटून
भय कुतूहल डोळ्यात उमटले
टकमक टकमक पाहतात मुले
अरे गेले कुठे पण ते वन खाते
झाडाखाली कुण्या निजले वाटते
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
