मंगळवार, २९ ऑगस्ट, २०२३

माकड


माकड
******
एक माकड फिरते गरगर 
वरती खाली या इमारतीवर 
भला दांडगा तो हुप्या गब्बर 
घुसतो घरात चुकवून नजर 
डल्ला मारतो कधी फळावर 
नेतो चोरून खाऊ बरोबर 
लाल पिंकट मुख रे त्याचे 
भाव तयावर सदा भुकेचे 
जवळ जाताच भय दाखवतो 
भुवया ताणून दात विचकतो 
म्हणती बाबा आला हनुमान 
गेला त्याचा तो नैवेद्य घेऊन 
म्हणते बायको अति वैतागून 
तो गेला वेडपट रोपे उपटून
भय कुतूहल डोळ्यात उमटले 
टकमक टकमक पाहतात मुले 
अरे गेले कुठे पण ते वन खाते 
झाडाखाली कुण्या निजले वाटते
🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com  
☘☘☘☘ 

कोणत्याही टिप्पण्‍या नाहीत:

टिप्पणी पोस्ट करा

पुत्रशोक

पुत्रशोक  ( डॉ. हरेश मंगलानी सरांच्या मुलाच्या, डॉ. रौनकच्या आकस्मक निधनाने उमटलेली  व्यथा) ******* मुलाचे पार्थिव खांद्यावर वाह...