काय चुक अन ....
***********
काय चूक अन् काय बरोबर कुणास कधी कळते काय ?
आकाशाच्या डोक्यावर
कोण देतो कधी पाय ?
का कधी अन असे कशाला
प्रश्न उगा का हवे पडायला ?
आभाळ भरते पडते पाणी
मनी उमलती उगाच गाणी
या साऱ्याला अर्थ असतो
ज्याला दिसतो त्याला दिसतो
कुणा पाहुनी मन हरखते
बोलून कुणाशी मन उमलते
नाते नसते तरीही असते
उगाच का मग सुख वाटते
जगणे म्हणजे असते जगणे
ऊन कोवळे टिपूर चांदणे
जगून घ्यावे क्षण हातातले
उधळीत मोती ओंजळ भरले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘
कोणत्याही टिप्पण्या नाहीत:
टिप्पणी पोस्ट करा