क्षणभर
*******
हे सारेच क्षणभर हे सारेच कणभर
पण असू दे रे
अन हसू दे रे
श्वासात प्राण भरून
डोळ्यात चंद्र ठेवून
जगु दे रे
हे सारेच सरणार
हात रिते राहणार
उद्याचे काय रे
कोणी पाहिले रे
आज हात उभारून
ओठात गाणे घेवून
नाचू दे रे
उद्या हे नसणार
स्वप्न तुझे तुटणार
स्वप्न तुटू दे रे
भान हरू दे रे
जीवना मिठी देऊन
स्वप्न डोळ्यात भरून
निजू दे रे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा