कवितेसाठी कविता: फुकटचे धन

शनिवार, १९ ऑगस्ट, २०२३

********

फुकटाच्या धनाचा त्या

लोकांना या लोभ का रे

नरका जाती-पितर

दिसत त्या नाही का रे ॥१

पापाचे ते घडे भरे

चढे रास वर वर

पुन्हा पुन्हा जन्मा येणे

किती दुःख तळमळ ॥२

गरीबीचे दुःख नको

व्यथा नको फाटक्यात

हळुवार पेटवा रे

देव दीप अंतरात ॥३

दोन घास पोटाला का

दयाघन देत नाही

मरणाचे भय का रे ?

जर ते सुटत नाही ॥४

कोटी कोटी जमव रे

साथ काही येत नाही

सारे जरी ठाव तुला

तरी का वळत नाही ॥ ५

चार घास दोन वेळा

राम नाम घेत खायी

विक्रांत सुखात नांदे

आनंदाला अंत नाही ॥ ६

🌾🌾🌾

https://kavitesathikavita.blogspot.com

☘☘☘☘ .