शिव्या
*********
शिव्याविन पापा कैसी हो आटणीदेवाची ही देणी कृपामय ॥१
कळल्यावाचून जगती जगता
पाप घडे हाता ऋषीच्याही ॥२
तर मग आम्ही मातीचे पुतळे
जळी विरघळे स्पर्शे होता ॥३
पडू देरे शिव्या व्हावी रे हेलना
भेटी दयाघना त्वरे व्हाया ॥४
परी राहो मन तेधवा ही स्थिर
अवघा स्वीकार प्रसाद हा ॥५
किती रे शिणसी बापा अवधूता
निर्मळ विक्रांता करावया ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्या नाहीत:
टिप्पणी पोस्ट करा