देव भुरळ
*****
कैसी ही भुरळ पडे या मनाला देव गणेशाला पाहतांना ॥
पदोपदी माया जाणवते त्याची
सावली सुखाची अंगावरी ॥
रेखीव आकार प्रकट ॐकार
सुख डोळ्यावर पांघरते ॥
प्रेम वर्षावात करावे कौतुक .
पायी वा मस्तक ठेवावे त्या ॥
कळेनासे होते चाकाटून मन
गहीवर दाटून येतो उरी ॥
होते वेडी कुडी दुर्वांची ती जुडी
पडे मौन घडी अंतरात ॥
देतोस जगता काय अन किती
तयाची गणती नाही कुठे ॥
विक्रांत मागतो तुझ्या पायी सेवा
हृदयात देवा सदा रहा ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ .
कोणत्याही टिप्पण्‍या नाहीत:
टिप्पणी पोस्ट करा