आळंदीत . .

आलो आळंदीत 

************

आलो आळंदीत झालो आनंदीत 

देव समाधीत पाहियला 

भारावले तन भारावले मन 

गर्जे कणकण ज्ञानदेव 

जिवलग भेटी हरपले भान 

हृदयात गाणं गुंजो आले 

माऊली माऊली ज्ञानाई माऊली 

अंतरी फुटली मेघमाला 

विक्रांत लेकरू माती मळलेले

परी झेपावले कुशीमध्ये 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

खडतर

खडतर

*****

किती खडतर असे तुझी भक्ती 

पाहूनिया मती कुंठीत ही

 जरी बळ नाही आता माझे ठाई

 तरी झोंबू पाही मिळवाया 

जाणतो मी हीन  दीन दयाघना 

करण्या तुलना काही नाही 

सदा भोगासक्त चित्त इंद्रियात

अभिमानग्रस्त जगतात

 घडले स्मरण तुझे भगवन 

तुझ्याच कृपेनं थोडेफार 

तीच ती पायरी घेई समजवून 

प्रथम मानून दत्तात्रेया

जाणतो चालणे जरी दूरवर

ठेव रे नजर दिनावर

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

वस्त्र

फाटके वस्त्र

*********

आधी देसी भक्ती मग ते दर्शन 

आहे मी जाणून दत्तात्रेया ॥१

परी त्या भक्तीला करसी लायक 

कृपेला कारक तूच देवा ॥२

मळके फडके घेई रे  धुवून 

मालिन्य काढून टाकी माझे ॥३

घडो काही तप कायचे वाचेचे 

आणिक मनाचे तुझ्या कृपे ॥४

जरी ना सुंदर करी तुझ्याजोगे 

पायपोस तागे पायरीचे ॥५

विक्रांत मळले विटले फाटले 

तुजला वाहिले वस्त्र दत्ता ॥६

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

भ्रमर-कीटक न्याय

भ्रमर-कीटक न्याय

********

बळे दत्तात्रेय केला मी सोयरा 

जनी मिरवला  भाव उगा ॥१

बळे दत्तात्रेय मनिले दैवत 

रंगलो भक्तीत  नाट्य पूर्ण ॥२

बळे गिरनारी मारील्या चकरा 

पुष्ट अहंकारा केले ऐसे ॥३

भ्रमर-कीटक न्यायाचा सिद्धांत 

धरिला मनात दृढपणे ॥४

जन्म तुझ्यावर ओवाळीला दत्ता .

आता नच सत्ता त्याच्यावर ॥५

विक्रांत पतित तुझ्या पथावर 

येवुनिया धर हात देवा ॥६

नको देह सुख नको इहपर

स्पर्श क्षणभर पूरा मज ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

आधार

आधार

*****

दत्त जिवलग सोयरा धायरा 

झाला या पामरा पाठबळ .१

 त्याने मज धीर आला समरात

संसारी वाहत असताना .२

 घडे देणे घेणे लोक उपचार

 चाले व्यवहार तया कृपे .३

अन्यथा कसले मजलागी ज्ञान

न कळे वर्तन जगताचे .४

दत्त चालविता म्हणून चालतो 

जगती दिसतो संभावित .५

अन्यथा जगतो निरर्थ केवळ

जगण्याचा आळ वाहविता .६

ऐसा वृक्ष थोर केला उपकार

देऊन आधार  पामरा या . ७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

करी पावन

करी रे पावन 

******"

करी रे पावन दत्ता माझे मन 

भक्तीत भिजून  जावू दे रे ॥

आणिक ते नाही मागणे मनात 

राही जीवनात भरूनिया ॥

नको नाव गाव नको धनमान 

अखंड चिंतन तुझे घडो ॥

अगा अत्रिसुता देई ध्यान दान

सगुण निर्गुण मर्जी तुझी  ॥

तव रूप नामी लाभावी उन्मनी

जगाचे सुटूनी खेळणी ही ॥

स्वीकारा स्वीकारा चित्ताची चाकरी

प्रभू गिरनारी योगीराजा ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

स्वीकार

स्वीकार 

*******

करी रे स्वीकार माझा मायबापा

आगा दयारूपा माझे म्हणा 

नाही भोळी भक्ती नाही शक्ती मती 

परी उपरती खरी असे 

व्यर्थ माझे यत्न निरर्थ जीवन 

घेई रे ओढून कृपाकरा 

कळेना लायकी दत्ता माझी काय 

दिसेनात पाय का रे तुझे 

भाग्यविधाता तू लिही माझे माथा 

ठेवण्यास पदा योग्य करी

माझ्या स्मरणात रहा सर्वकाळ 

श्वास जपमाळ होऊनिया

 

विक्रांता पायीचा करी रज:कण 

भक्तीचा देऊन स्पर्श तुझ्या

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ .

संसार

संसार

****

संसार सरेना भोगणे ठरेना 

जगणे पुरेना उपाधीला

 एक तुटताच नवे उभे शिर 

ऐसा कारभार वासनेचा 

तेच जगी ताट तेच जगी पोट 

येईना रे वीट जीवनाचा 

इंद्रिय कौतुके किती ही लाळावी

भजनी वाळावी वृत्ती किती

आगा दत्तात्रेया येऊनिया भान 

जाते विसरून पुन्हा पुन्हा 

दगडाची रेघ मार मनावर 

नाम तयावर कोर तुझे

विक्रांता करी गा चिरा पायरीचा

खांब वा दारीचा तुझ्या प्रभू

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

धिंडोरा

धिंडोरा

******

तुझिया कीर्तीचा पिटतो धिंडोरा   

दत्त दिगंबरा पानोपानी ॥

पाहिल्यावाचून  वर्णीतो रूपाला

गातसे कीर्तीला जागोजागी ॥

तुझिया कृपेचा देतो भरवसा 

पल्लवीत आशा करूनिया ॥

भरल्यावाचून माझी रिती झोळी 

करतो दिवाळी साजिरी मी ॥

मागे बहुतांची फळली रे भक्ती 

तया दत्त प्रीती फळा आली ॥

त्याच कथा गोड जीवी ठसवितो 

दास म्हणवतो आशेने मी ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

श्रीदत्त

श्री दत्त

******

सारे व्यापूनी जगत 

व्यक्त अव्यक्त रूपात

विश्व पालक श्रीदत्त ॥१

शून्य होऊन निर्वात

गिळे सारे आसमंत 

शिव संहारक श्रीदत्त ॥२

चंद्र सुर्य प्रकाशात

खेळ खेळतो अद्भूत

ऐसा लीलाधर श्रीदत्त ॥३

नच कळता कळत 

ठसा उमटे चित्तात 

ऐसा अगम्य श्रीदत्त ॥४

जरी रुप नामातित 

परी पाहता मनात 

दिसे भक्तास श्रीदत्त ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

दत्त पहावा

दत्त 

****

दत्त भजावा मनात दत्त पहावा जनात 

दत्त धरावा उरात 

सर्वकाळ 

दत्त जाणावा सुरात दत्त ऐकावा स्वरात 

दत्त वाचावा पदात  

अनुपम्य 

दत्त पूजावा मूर्तीत दत्त भजावा कीर्तित 

दत्त स्मरावा प्रीतीत 

सदोदित 

दत्त प्रेमाचा पुतळा दत्त लावण्याची कळा 

दत्त शांतीचाच मळा 

मुमुक्षास

दत्त गातागाता मन गेले प्रेमाने भरून 

दत्त कविता होवून 

आले असे 

दत्त मायबाप माझे दत्तकृपा छत्र माझे

दत्त जीवीचे प्रीतीचे 

आत्मभान 

ऐसे जाणूनिया दत्त झाला उगा हा विक्रांत 

बसे एकटक दत्त  

न्याहाळत 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

जगण्याच्या वाटा

जगण्याच्या वाटा 

*************

जगण्याच्या माझ्या वाटा 

दत्ता याव्या तुझ्या पथा 

वाहिलेला भार आता 

उतरावा तुझे हाता 

काय काय पोतडीत 

आलो मी रे साठवित

ज्ञान अहंकार मोठा 

देह जन्म वर्ण ताठा

मोडूनिया पाठ गेली 

पाऊले ही भार झाली 

तुझ्याकडे ती येणारी  

चाल आता मंद झाली

आता नको मोकलूस 

दूर दूर ढकलुस 

देई आता दृढ भाव

दावी चैतन्याचा गाव

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

कृपेची घागर

कृपेची घागर

***

कृपेची घागर ओत डोक्यावर 

जावा मनोमळ वाहूनिया  ॥१

घेई रे कृपाळा तुझा तू करून 

शुचित्व देऊन दगडा या  ॥२

जगत हे व्यर्थ मनी समजलो

तव पदी आलो दत्तात्रेया ॥ ३

चुकला विचार बाटला आचार 

करी रे स्वीकार प्रक्षाळून ॥  ४

माय तू स्नेहाळ प्रेमाची केवळ 

चुकल्या सांभाळ लेकरा या ॥५

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

बंध

बंध

***

मी नच कुणाचा जरी जाणतो रे 

तरी वाहतो रे बंध उरी    ॥

मित्र सखे प्रिय जपे नाती गोती 

जमे सभोवती गर्दी बहु ॥

वाहतो कर्मात उणा व्यवहारी 

जाणे पाने सारी शिशिराची ॥

कुणा उगा सोडू कुणा बळे धरू 

कुणा प्रीती करू सारे तुची ॥

तूच दिले दत्ता सारे प्रियजन 

अन वैरावीण ठेवियले ॥

ठेवियले तैसा राहीन मी दत्ता 

सदोदित चित्ता  परी रहा 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

करुणा

करुणा

*******

 करुणा दत्ताची वचने प्रेमाची 

रत्ने शब्दांची मनी येती ॥

दत्तकृपेचा हा भरा ये सागर 

लाटा लाटा वर उसळती ॥

तोच लिहविता कर्ता करविता 

चालवे विक्रांता सर्वकाळ ॥

लिहिता लिहिता सुखाचा लहरी 

उठे मनावरी पुन्हा पुन्हा ॥

कधीतरी पण देवा शब्दाविण 

हृदयी येऊन भेटी द्या हो ॥

कळल्यावाचून मागतो मागणे 

तुज जे करणे तेच कर ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

सार्थ करी दत्ता

सार्थ करी दत्ता

************

विश्वाचे कारण तुच दयाघन 

आहे मी जाणून दत्तात्रेया 

परी तव कारणे केवळ जगणे

मीपण सरणे घडेचिना 

अशी माया ओढी मज जगजेठी 

अवघी तोकडी शक्ती पडे 

अगा अवघड संसार दुस्तर 

सांगे वारंवार  जगत हे

परी तुझी माया असे तुझी छाया 

तिला सारावया  कृपा तुझी

देवाच्या भक्तांची लाज देवालागी 

येऊनिया वेगी तारी आता

विक्रांत जीवनी वाहे अहेतूक 

येऊन कौतुक दावी देवा 

सार्थ करी दत्ता तुझे देवपण 

मजला देऊन आलिंगन

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

हट्ट

हट्ट 

***

हाच हट्ट माझा  पुरा करी देवा 

यावे भक्तीभावा फळ माझ्या 

जाणतो कोरडा तूप तेलाविन 

आलो मी घेऊन नैवेद्य हा 

फुले बाजाराची कुठल्या काळाची 

बोटे व्यापाराची लागलेली 

धूप गंधाकडे नच लक्ष काही 

डोळ्यानी मी पाही तुज फक्त

तुजला स्मरता प्रेमात रंगता 

जाहलो चुकता उपचार 

नको अन्य काही मज तुजविण

हृदयी येऊन रहा फक्त

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

लालायीत

लालायित

******

तुझिया कृपेला झालो लालायीत 

म्हणून दारात उभा राही 

तुझिया प्रीतीत जाहलो आशिक 

होऊन बटिक दारी आलो

तुझिया नावाचा जाहलो व्यसनी 

म्हणून अंगणी ठाण दिले 

तुझिया प्रीतीने गेलो रे भाळून 

मन हे माळून दिले तुला 

तुझिया रूपाचे जाहले मोहन 

पाहिल्या वाचून जीव जडे 

अगा दयाघना कृपेच्या सागरा 

विक्रांत पामरा देई थारा 

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

वाट (नर्मदा काठावरील कविता)

वाट (नर्मदा काठावरील कविता)

*******

देही सजलेली वाट मळलेली 

उधळून माती नभी दाटलेली 

तीच तीच वाट जरी पायाखाली 

हर दिन नव्या स्पर्शी भिजलेली 

कधी अचानक पायाखाली काटे 

कधी हळुवार दव ओले दाटे 

घडे जिवलग भेटी रोज इथे 

रोज अलगुज प्रेम सुरावते 

इथे कुणी कुणा आहे बांधलेले 

आकाश धरेला आहे टेकलेले 

तृप्तीत सुखाच्या जीव घे उखाणे 

अन ओठावर रोज येते गाणे

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ 

उधारी

उधारी

*****

ठेवू नको देवा कुणाची उधारी 

माझ्या उरावरी येथे आता ॥ १

फिटू दे रे कर्ज माझे हे सव्याज 

नको देवा लाज आणू मज ॥२

कुणाच्या धनाचे कुणाच्या मनाचे 

ऋणानुबंधाचे माप नको ॥३

असो मोहमयी असू दे लाघवी 

कारणे आघवी येरझारा ॥४

द्वेष इर्षा वैर राहिली चुकून 

टाक रे पुसून अंश नको ॥५

मग मी दयाळा होत निरंजन 

जावा मिसळून तुझ्या तेजी ॥६

फिटो सारी देणे दे दिवाळखोरी 

विक्रांता भिकारी सुखे कर ॥७

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️