पथिक
*****
देवा मी पथिक तुझ्या अक्षरांचा
चालतो सुखाचा महामार्ग ॥ .
शब्द रस काव्य मनी सुखावलो
चिंब रे भिजलो भक्ती भावे ॥
श्रवणे वचने पठने मनने
सुखाचे चांदणे भोगीयले ॥
कळले वाटते परी न कळते
मन भांबावते ठाई ठाई ॥
कळल्या वाचून तरीही कळते
अन हरवते माझे पण ॥
एकेका ओवीत जन्म ओलांडला
अन पार केला मृत्यू फेरा ॥
एक ओवी तुझी हा ही जन्म माझा
अर्थ आयुष्याचा कळू आला ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा