*******
आळंदीस भक्त येती आणि जाती
देऊळाच्या भिंती साक्षीरूप ॥
भक्तांची मस्तक समाधी शिळेला
भक्तीचा सोहळा कुणा कळे ॥
कुणा पर्यटन कुणा समाधान
कुणास चैतन्य लाभे तेथे ॥
विक्रांता मिळाले न कळे ते काय
कळण्या उपाय नाही परी ॥
असो सार्थ व्यर्थ देवा येणे जाणे
एक वेडे गाणे मनी रुजे ॥
एक मोरपिस स्वप्नांचे साजरे
जीवा स्पर्श करे हळुवार ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा