दत्त कृपा
*******
क्षणा क्षणाच्या कृपेत दत्त भेटतो भक्तांना
अन कळल्या वाचून
दत्त जपतो जीवांना
नको करूस अपेक्षा
मूर्त दिसण्या साजरी
दिव्य दर्शन दुर्लभ
योगी शिणले कपारी
चाले संसार सुलभ
मनी नांदे समाधान
घडे व्रत पूजा अर्चा
ही तो कृपेचीच खूण
येती सुखदुःख वाट्या
घडे प्रारब्ध भोगणे
दत्त नेई रे त्यातून
करी सहज साहणे
दत्त भक्तांस घडते
दत्त छायेत जगणे
अन् पोळल्या वाचून
होते संसारी चालणे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा