म्हातारपण लेबल असलेली पोस्ट दाखवित आहे. सर्व पोस्ट्‍स दर्शवा
म्हातारपण लेबल असलेली पोस्ट दाखवित आहे. सर्व पोस्ट्‍स दर्शवा

शनिवार, २४ फेब्रुवारी, २०१८

पश्चिमेचे क्षितिज.


***************
माझे हे क्षितीज
असे पश्चिमेचे
सखये क्षणाचे
रंग धुंद ॥

उधळतो परी
रंग तुजवरी
प्रकाशाच्या सरी
होऊनिया ॥

तुझी गौरकाया
सोनियांची होता
चुंबतो मी माथा
वारा होत ॥

अशी ये किनारी
सावरीत केस
उधाणत हास्य
लाटांवर ॥

कण किरणात
तुज सांभाळून
घेईन झेलून
पापण्यात ॥

डॉ.विक्रांत प्रभाकर तिकोणे
http://kavitesathikavita.blogspot.in

बुधवार, १ एप्रिल, २०१५

म्हाताऱ्याची आत्महत्या







जगून खूप झालय जीवना
फूट आता मरून जातो   
ओझे वाहून थकलो तुझे  
पुरे आता फेकून देतो  


तुझी उष्टी सुखं किती
ओरपून मी चाखली इथे
कळून चुकले पण आता
किती मज फसवले तू ते


किती असावे हलकट कुणी
खरेच दाखवून दिलेस तू  
वेचलेल्या प्रत्येक फळात
किडीस पेरले होतेस तू


आणि फिरविले बैलागत
पोट चाकरी लावून पाठी
मरणाची दावूनी भिती  
नाडलेस रे दिवसाकाठी


दिला तसाच देह फटका
सुमार व्याधीत मळलेला
अन अभिमानी मन वरी
मीठ जखमेवर चोळायला


वृद्ध घोडा मरून जाता
तुला फरक पडत नाही
पण तरीही लक्षात घे रे
तू मला मारत नाही


डॉ विक्रांत प्रभाकर तिकोणे
http://kavitesathikavita.blogspot.in/


घडव जगणे

घडव जगणे  ********* घडव जगणे माझे दत्तराया  रोग भोग माया हरवून ॥ तुझिया पायीचा करी रे सेवक  भक्तीचे कौतु...