अजपा

अजपा
******

श्वास येतो श्वास जातो
अंतरी मी स्तब्ध होतो
उधानते प्राणशक्ती
शून्य स्पर्श मना होतो

खोलवर सागरात
शिंपला मी जणू होतो
दाटूनिया  समर्पण
शुभ्र कण नवा होतो

दुनियेत कोलाहल
जीव जंतू ओरडतो
कानावरी नाद व्यर्थ
अळवाचे पाणी होतो

अव्याहत धुनी जळे
छातीतल्या कुंडामध्ये
एक एक कर्म जळे
प्रणातल्या आगीमध्ये

मागे किती उरले ते
पाहण्या कारण नाही
सागराची गाज कानी
सारितेला भान नाही

दत्त अवधूत स्वामी
अजपा जपात कोंडी
नादावूनी विक्रांत हा
पुनःपुन्हा चाखे गोडी

डॉ.विक्रांत प्रभाकर तिकोने
http://kavitesathikavita.blogspot.in