जा शोध जा पुन्हा तू

बांधून भग्न गाणी जा वाट ही चालुनी

असेल थांबली कुठे तुजसाठी ती सजनी

अरे दुनिया तशीही बघ थोर फार नाही  

भरुनी जखमा साऱ्या मिटतील वेदनाही

थांबू नको कधीही घेवून मृत्यू मिठीत

तू जीवन प्रवासी रे बांध स्वप्न दिठीत

कानात गुंजणारे सूर आले स्पंदनात

जा प्राण पेटवूनी तू शब्द नवे गुंफत  

देतील तारका तव साथ साऱ्या पथात

उमलेल वाट धरती नीत तुझ्या पावुलात  

जा शोध जा पुन्हा तू जा भेट जा पुन्हा तू

मिळेल शांती जीवा ते स्थान जा शोध तू

डॉ.विक्रांत प्रभाकर तिकोने

http://kavitesathikavita.blogspot.in