डुकरांच्या गल्लीतून
****************
डुकरांच्या गल्लीतून असे येणे जाणे घरी
मग चावणारच डुक्कर कुणा कधीतरी
काळी पांढरी हिरवी निळी कधी तर
चक्क बहुरंगी असतात बरं हि डुकरं
पण काही लोक असतात फारच हुशार
ठाऊक असते त्यांना कसे व्हायचे पसार
काही लोक इथे अनुभवाने शिकतात
तर काही चतूर वरिष्ठांकडून धडे घेतात
कारण काठी बाळगणे आणि उगारणे
हे असते उगाचंच संकट ओढवून घेणे
डुकरांना आवडते जे बळे तरी देत जावे
आणि आपण आपले नामानिराळे राहावे
तुम्ही डुकरांना कधीच सुधारू शकत नाही
राग उद्देग हताशा त्यांना कधीच दिसत नाही
क्वचित एखादे डुक्कर सापडतेही हातात
मारल्यासारखं त्याला तिथली लोक करतात
पण डुक्कर पुन्हा मुकाट सुटणार असते
आणि डूरक्या मारत मागे धावणार असते
डुकराच्या गल्लीतून जाणे तुम्हाला भाग आहे
अन चावणे हा त्याचा भूत भविष्यकाळ आहे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
