********
श्रद्धेचा व्यापार खुळखुळे भक्ती तरी देवा तिथे दिसे तुझी वस्ती
इथे पूर्ण होती किती मनोरथ
भावभक्ती वाहे किती हृदयात
जरी जन खुळे कळेना आचार
डोंगर घाणीचे दोन्ही तीरावर
परि भाविकांचा ओघ हा थांबेना
नभ व्यापोनिया शिवाच्या गर्जना
कुणी भटकती नौकेत फिरती
पाण्यात मस्तीत कुणी तरंगती
खळखळ करे माय नर्मदा ती
ऊर्जेचे अपार लोट उधळती
नाही दुजाभाव कुण्या जीवाप्रती
अपार अद्भुत सर्वाभूती प्रीती
नमन तुझिया अगम्य लिलेला
विक्रांत पावन पुण्यनगरीला
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा