वर्दीआणि प्रजा
************
डरपोक प्रजा घाबरे वर्दीला साहेबी काठीला अजूनही ॥
अजूनही माथी गोरा तो साहेब
करतो रुबाब बुटातला ॥
कोठडीची भीती हर एक मनात
तयाच्या ताब्यात कायदा रे ॥
होता मर्जी खप्पा काय करतील
कसे धरतील कोणा ठाव ॥
राहा रे लांब तयाच्या पासून
पडो ना चुकून गाठ त्यांची ॥
जणू साडेसाती तया तावडीत
ते नच सोडतात शनीसही ॥
एकच ती भाषा तया ऐकू येते
अन चालवते तेच मंत्र ॥
किती फोडा टाहोआणि मारा हाका
जातात रे फुका तया विन ॥
जन मनातील चित्र हे दाहक
सेवक भक्षक कळेचि ना ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा