भूत बाधित

दत्ताच्या मंडपी होताच जागर

आले अंगावर वारे तिच्या ||

पंधरा वर्षाची बाधित बहिण

करीतो राखण भाऊराया  ||

झेलितो तिजला पडताच खाली

वस्त्रे विस्कटली नीट करी ||

गरगरा जाता धावतो मागुती

सांभाळे स्वहाती फुलापरी ||

तया आरतीची शुध्द ना गर्दीची

चिंता बहिणीची सर्वकाळ ||

डोळ्यात वेदना मळभ दुःखाचे

अकाली उद्याचे प्रौढपण ||

कुणाची परीक्षा असेही कळेना

विचित्र जीवना खेळ कैसा ||

विक्रांत प्रभाकर तिकोणे

http://kavitesathikavita.blogspot.in