मंगळवार, ८ मार्च, २०१६

भूत बाधित






दत्ताच्या मंडपी होताच जागर
आले अंगावर वारे तिच्या ||
पंधरा वर्षाची बाधित बहिण
करीतो राखण भाऊराया  ||
झेलितो तिजला पडताच खाली
वस्त्रे विस्कटली नीट करी ||
गरगरा जाता धावतो मागुती
सांभाळे स्वहाती फुलापरी ||
तया आरतीची शुध्द ना गर्दीची
चिंता बहिणीची सर्वकाळ ||
डोळ्यात वेदना मळभ दुःखाचे
अकाली उद्याचे प्रौढपण ||
कुणाची परीक्षा असेही कळेना
विचित्र जीवना खेळ कैसा ||

विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...