मंगळवार, १५ मार्च, २०१६

दत्ता तुझी कृपा




दत्ता तुझी कृपा | म्हणून जगतो |
नाहीतर होतो | फुका गेलो ||१
कृपेचे किरण | दिलेस धाडून |
अवघे मिटून | खटाटोप||२
आजकाल रोज | सजवतो मन
असलेले तण | उपटून ||३
कधीतरी तूच | धावत येवून
नेशील ओढून | जाणतो मी ||४
घेतोय चाहूल  | हृदयी काहूर
खडावाचे सूर | ऐकायला ||५
विक्रांत शरण | देहाला लोटतो
दत्ता बोलावतो | हृदयात ||६

कोणत्याही टिप्पण्‍या नाहीत:

टिप्पणी पोस्ट करा

दुर्लभ

दुर्लभ ***** तुझी भक्ती दत्ता असे रे दुर्लभ  मोतीयाचा गर्भ शिंपी जैसा ॥१ ज्याची कुळवाडी असे देवभक्ती  सदाचार वृत्ती सर्वकाळ ॥२ ज...