गुरुवार, २४ मार्च, २०१६

किती खोडकर दत्त




मागावया सांगे
करुनी बहाणा
आणि मग चुना
लावी कारे ||
साठवतो काही
पुण्याची गाठोडी
चोर गावी वस्ती
करवसी ||
पोटातली भूक
मनात कोरून
जिव्हेस सांगून
मजा पाही ||
भरे मग पोट
करतोस थाट
पक्वान्नाचे ताट
देई बळे  ||
किती खोडकर
दीनांचा दयाळू
जाणिला कृपाळू
विक्रांतने  ||

विक्रांत प्रभाकर तिकोणे


कोणत्याही टिप्पण्‍या नाहीत:

टिप्पणी पोस्ट करा

संतसंग

संतसंग **** संतालागी संत सदा ओळखती  बांधुनिया घेती पदरात ॥१ मागील जन्माचे पुण्य येते फळा  जळ येते जळा गंगेचिया ॥२ आम्ही लोभी भक्...