सोमवार, ३० जून, २०१४

उगाच येवून

 



उगाच येवून उगाच बसून
काहीतरी मी गेलो बोलून
नव्हते देणं नव्हते घेणं
बस भेटावं वाटलं आतून
वृक्ष देखणा खिडकी बाहेर
डोलत होता हळू वाऱ्यावर
एक पाखरू पंख मिटून
बसले होते उगा भिजून
निळे आभाळ स्तब्ध गहन
हळूच आले आत ओघळून  
अन मनीची ती तळमळ
सहज झाली शांत नितळ

विक्रांत प्रभाकर
http://kavitesathikavita.blogspot.in/

येथे कोणत्याही टिप्पण्‍या नाहीत:
लेबल:

रविवार, २९ जून, २०१४

डसे काळजात चूक भूल

 


कालच्या सुखाची  
जळे पायवाट  
आणि डोळियात  
सरोवर ||
पुसता न येत
काळाची पावुले
आता चाललेले
खेळ व्यर्थ   ||
सुखांची मी भिक
मागावी कुणाला
असे ज्याची त्याला
प्रिय झोळी ||
एक एक दिन
जाळे उगा इथं
डसे काळजात
चूक भूल ||
फुलं प्रेतावरी
जशी श्रुंगारली
तशी ही सजली
जिंदगानी ||

विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल: , ,

जा मज तुझा अंधार देवून






जळू देत स्वप्न वेडे
जीवा भूल घालणारे
अन तप्त उन्हाचे या
भान पुन्हा येवू दे रे

कसे म्हणू सखी तुला
स्वप्न व्यर्थ असते ग
ठरलेला भंग त्याचा
मजला पुन्हा नको ग

ते सुखांचे दिस माझे
गेले कधीच सोडून  
जरा जरा फुले हाती
जातो तुलाच वाहून  

जा सांभाळून तू सखे
सोबत प्रीत ही घेवून
जातांना पण जा मज
तुझा अंधार देवून

विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल:

कवी






सदैव झिंगलेला दिसतो
प्रेमात पडलेला दिसतो
वेडा कवी फक्त त्याच्या
शब्दात हरवलेला असतो

प्रेम ही चालते त्याला
प्रेत ही चालते त्याला
मुख्य म्हणजे लिहायला
सदैव उतविळ तो असतो

त्याच्या नादी लागू नका
जास्त जवळ जावू नका
दुरूनच चांगला दिसतो
वेड्या लाटेचा फटका असतो

स्वप्नातील प्रेम कधीही
तया जगी सापडत नाही
अन स्वप्नातून कधीही
तो खाली उतरत नाही

मग व्हायचे तेच होते
शब्द वेडे जगणे उरते
अन काळाच्या वावटळी
पान नि पान उडून जाते

विक्रांत प्रभाकर
http://kavitesathikavita.blogspot.in/
येथे कोणत्याही टिप्पण्‍या नाहीत:
लेबल: ,
याची सदस्यत्व घ्या: पोस्ट (Atom)

सुटू द्यावे

सुटू द्यावे ******* असते सदैव साथ का कुणाची  सुटतात हात सुटू द्यावे ॥ खेळ जीवनाचा पहायचा किती  मिटतात डोळे मिटू द्यावे ॥ हातात न...

  • दत्त बडवतो
    दत्त बडवतो ********* दत्त बडवतो मज बडवू दे  दत्त रडवतो मज रडवू दे  फटका बसता जागृती येता कुठे जायचे मज कळू दे  ॥१ प्रवाही वाहून ...
  • मारूत
    मारुत ******  एक रुद्र हुंकार  भेदत जातो सप्त पर्वत  पृथ्वी आप तेज वायू  सारे आकाश व्यापत  थरथरते धरती ढवळतो सागर  उ...
  • आरसा
    आरसा ****** तुझिया डोळ्यांनी मीच मला पाहतो वादळ संवेदनांचे कणाकणात वाहतो  कविता तुझ्यावरच्या  लिहून खुश होतो  मी तुला खुश करतो क...
  • महापुरुष
    .महापुरुष  **** महापुरुष बरे असतात  जन्मदिवस पुण्यतिथी  साजरे करण्यासाठी  हार माळा फुले  फोटोवर पुतळ्यावर उधळून गाणी गाण्यासाठी ...
  • सुटू द्यावे
    सुटू द्यावे ******* असते सदैव साथ का कुणाची  सुटतात हात सुटू द्यावे ॥ खेळ जीवनाचा पहायचा किती  मिटतात डोळे मिटू द्यावे ॥ हातात न...
  • तुझे डोळे
    तुझे डोळे ***** तुझे डोळे चांदण्यांचे बावरल्या हरीणीचे दूर कुठे अडकल्या गायीच्या गं दावणीचे . तुझे डोळे नवाईचे घनदाट...
  • मरण
    झाकलिया घटीचा दिवा । नेणिजे काय झाला केधवा । यारीती जो पांडवा । देह ठेवी ...ज्ञानेश्वरी मरण ***** असे हवे रे सुंदर मरण   ज्यात ओघळून  जाईल ज...
  • तुझ्यासाठी
    तुझ्यासाठी ********* मनावरी गोंदलेले नाव तुझे हळुवार सांग तुला दावू कशी प्रेम खूण अलवार ॥१ डोळ्यातील चांदण्यांना तुझ्या ...
  • श्री कानिफनाथ
    श्री कानिफनाथ *********** माझा कानिफा कानिफा जन्म कुंजर कुहिरा   असे मढीला निवास भक्त रक्षक सोयरा बाप जालिंदर गुरु त...
  • काळोखभिलाषा
    त्या तुझ्या वचनामुळे अजून आहे जगतो अन्यथा जमा काळोखी  केव्हाच झालो असतो अजूनही काळोख तो आहे मज खुणावतो शांत काळा खोल डोह जीवास भूल घा...