कवितेसाठी कविता: ती स्थळाचे सांगताच

शुक्रवार, २७ जून, २०१४

प्रभा मनातील काजळते

वेडे हृदय का न कळे

इतके असे कुणात गुंतते

आवडणे तिचे मनाला

अगदी खरेखुरे असते

आणि झुरणे मनातील

विलक्षण सुंदर असते

हवेपणाला त्या माझ्या

हट्टाचे जरी कोंदण नसते

तिच्या वाचून जगणे पण

एक असह्य शिक्षा असते

हजार भिंती हजार अडसर

भयकंपित मन कातर होते

पण जुगारी डाव लागता

जगणे मरणे हाती नसते

विक्रांत प्रभाकर

http://kavitesathikavita.blogspot.in/

कवितेसाठी कविता