एक धागा तुटताच
दुसरा जोडू पाहतो
माणूस इथे एकटा
का कधी राहू शकतो
माणसाला स्पर्श हवा
शब्द हवे प्रेम हवे
सोबतीला जीवनात
उबदार सौख्य हवे
स्मृतींच्या दग्ध महाली
वेदनांची भग्न गाणी
सोडुनिया जावे त्यांना
स्वागतशील अंगणी
नवी प्रीत नवी गीत
यात नसे प्रतारणा
सुख शोध घेत जाणे
जीवनाची आराधना
प्रेमासाठी जगायचे
प्रेमामध्ये जगायचे
भेटत नाही तोवर
शोधतच राहायचे
जगणे हाच असतो
जीवनाचा अर्थ खरा
उधळूनी जग मग
त्याच्या मिठीमध्ये जरा
.jpg)
कोणत्याही टिप्पण्‍या नाहीत:
टिप्पणी पोस्ट करा