*****
माय नर्मदा प्रवाही
गेला ओंडका वाहत
किती पार केली गावे
किती ओलांडले घाट
जल गेले हरपून
नील रत्न सागरात
परी राहिला ओंडका
उगा लाटांशी खेळत
काय करावे ते आता
त्याचे त्यालाही कळेना
करी कृपा तयावर
धाड कुठल्या अंगणा
पृथ्वी तत्व अवघड
नच होणार ग पाणी
देई कृपेची ठिणगी
तया मिळो एक धुनी
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा