भ्रमर-कीटक न्याय
********
बळे दत्तात्रेय केला मी सोयरा जनी मिरवला भाव उगा ॥१
बळे दत्तात्रेय मनिले दैवत
रंगलो भक्तीत नाट्य पूर्ण ॥२
बळे गिरनारी मारील्या चकरा
पुष्ट अहंकारा केले ऐसे ॥३
भ्रमर-कीटक न्यायाचा सिद्धांत
धरिला मनात दृढपणे ॥४
जन्म तुझ्यावर ओवाळीला दत्ता .
आता नच सत्ता त्याच्यावर ॥५
विक्रांत पतित तुझ्या पथावर
येवुनिया धर हात देवा ॥६
नको देह सुख नको इहपर
स्पर्श क्षणभर पूरा मज ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा