अंगणात
******
अंगणात तुझ्या येणार मी नाहीदारात उगाच थांबणार नाही
लाडीगोडी मुळी लावणार नाही
उगा गुण गाण गाणार ही नाही
वाटते का तुला रुसलो जरासा
येईल माघारी टाकत उसासा
बहुदा नसेल तुला तीही पर्वा
डोंगर दरीत घुमतो पारवा
तुज का कृपण म्हणू मी उगाच
कृपा पात्र तुझे दिसे खचाखच
कदाचित खरी नसेल ही प्रीती
हव्यासाची स्वार्थी असेल वा वृत्ती
असेल ते असो तुज काही दिसो
मिटलेले स्वप्न माझे मज हसो
पण
अंगणात तुझ्या आता येणे नाही
दारात धावणे घडणार नाही
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा