आधार
******
देव का रे कोपतो हारागावून कुणावरी
देव का रे धावतो हा
आपल्या त्या कुणासाठी
देव का रे राखतो हा
दुजा भाव मुलांसाठी
जर ऐसे घडे तर
देवपण कश्यासाठी
माणसांनी भोवतली
जणू जाळे विणले रे
अडकलो मी म्हणुनी
पाही त्राही करती रे
हवा का मनास देव
त्याचे त्यास नच कळे
प्रश्न चिन्ही अस्तित्व हे
नि तर्क सारे पांगळे
आणि वाटा लाख इथे
धावण्यास सैरा वैरा
अंत हिन प्रवाहाला
नच दिसतो किनारा
डोळसाचे भान वेडे
अंतरात खिळलेले
देवपण असो नसो
आधार ते सोडलेले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
