देव

.देव

***

नाना रुपी देव नाना ठाई वास 

परी साध्य होतो कळे गूज त्यास ॥

अवघा पसारा तयाच्या मायेचा 

असा बहुरूपी कोणा कळायचा ॥

करू जाता यत्न तया शोधण्याचे 

गुह्य होत जाते स्वरूप ज्ञानाचे ॥

सगुण निर्गुण वादाचे कारण 

किती एक मार्गी होते भटकणं ॥

सर्व काही तोच तयाला भजावे 

जाणतो विक्रांत हृदयी धरावे ॥

मूर्ती मूर्तीतून तोच प्रकाशतो 

येशु बुद्ध कृष्ण दत्त माझा होतो ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com  

☘☘☘☘ 🕉️ -