चैतन्याच्या डोही
*************
तुझ्या चैतन्याच्या डोही हरवलो भरून पावलो ज्ञानदेवा ॥१
जैसे माहेराशी येता अवसरी
माया न आवरी माऊलीची ॥२
काय अन किती देऊ लेकराला
तैसे या जीवाला जोजारले ॥३
माय केले नाही फार येणे जाणे
फक्त तुझे गाणे आळविले ॥४
अंतरीची तार जडली तुझ्याशी
भेटला मजशी कृपा राशी ॥५
राहू दे प्रेमात तुझ्या रात्रंदिन
एवढे मागणं तुज लागी ॥६
रहा हृदयात डोळ्यांच्या डोळ्यात
विक्रांत तुझ्यात घे सामावून ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा