कळेना
*******
कळेना मजला स्वीकार नकार तरी दारावर उभा आहे ॥
कळेना मजला आवडनिवड
तरी धडपड रिझवाया ॥
कळेना मजला काही देणे घेणे
तरीही धरणे धरीतसे ॥
कळेना मजला प्रीतीत जगणे
तरी आळवणे करीतसे ॥
आता प्रियोत्तमा येऊ दे करुणा
करतो याचना कळण्याची ॥
देई प्रेम खुणा काही अंतरात
धाडा ना परत मागणी ही ॥
पाहतो विक्रांत नाम गुणातीत
सर्वव्यापी दत्त भक्तीभावे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा