नर्मदा मैयेस
*********
ती तिथी तुला भेटायची अजून उगवत नाही ठाव मला सारे की मर्जीविना तव काही नाही
किती दावशी प्रलोभने किती आणशी अडचणी
माई अजान मूर्ख असा मी किती राहू अडकूनी
बळ ना देही जरी जाणतो उगाच धाडस करतो
सांभाळशील तू नक्की पुन:पुन्हा मलाच सांगतो
कधी वाटते तुज ना ईच्छा मजला बोलावयाची
महा ओघ मी पापाचा आवड तुज ना धुवायची
ठीक आहे असो तेही तर घे तू सेवा पुण्यात्मांची
जर कदाचित निवळलो करेन गोष्ट तुला भेटायची
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा