पुन्हा पाऊस
**********
रात्रंदिन पडणाऱ्या धारात आभाळ येते दाटून घुमसून
अन सांजवेळ जाते निसटून
पडद्यामधली पडद्यामागून
रंग कुठे उधळत नाहीत
पक्षी आवाज करत नाहीत
काळोखच येतो जणू
चादरीवर चादर ओढत
तोच आवाज रिप रिपणारा
पानावर टपटपणारा
पागोळ्या अवतीभोवती
रव आत जणू घुसणारा
होते सकाळ तशीच दुपार
अन् उदास संध्याकाळ
ओल तनाला ओल मनाला
ओला वारा करतो वावर
काळ दुमडतो उगा ढगात
केविलवाणा घड्याळ पाहत
जीवनाची नाव चालते
संथ हलके हलके वाहत
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा