जगण्याच्या वाटा
*************
जगण्याच्या माझ्या वाटा दत्ता याव्या तुझ्या पथा
वाहिलेला भार आता
उतरावा तुझे हाता
काय काय पोतडीत
आलो मी रे साठवित
ज्ञान अहंकार मोठा
देह जन्म वर्ण ताठा
मोडूनिया पाठ गेली
पाऊले ही भार झाली
तुझ्याकडे ती येणारी
चाल आता मंद झाली
आता नको मोकलूस
दूर दूर ढकलुस
देई आता दृढ भाव
दावी चैतन्याचा गाव
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा