संसार
****
संसार सरेना भोगणे ठरेना जगणे पुरेना उपाधीला
एक तुटताच नवे उभे शिर
ऐसा कारभार वासनेचा
तेच जगी ताट तेच जगी पोट
येईना रे वीट जीवनाचा
इंद्रिय कौतुके किती ही लाळावी
भजनी वाळावी वृत्ती किती
आगा दत्तात्रेया येऊनिया भान
जाते विसरून पुन्हा पुन्हा
दगडाची रेघ मार मनावर
नाम तयावर कोर तुझे
विक्रांता करी गा चिरा पायरीचा
खांब वा दारीचा तुझ्या प्रभू
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️
कोणत्याही टिप्पण्या नाहीत:
टिप्पणी पोस्ट करा